Azərbaycanda XII əsrə aid yeni eksponat tapıldı - FOTO
16:06 - 14 Yanvar 2025
Milli Azərbaycan Tarixi Muzeyinin arxeoloji kolleksiyasına yeni zərfayans qabı təqdim edilib.
TNS-ə AMEA-dan verilən məlumata görə, təqdim olunan eksponat XII əsrin sonu, XIII əsrin əvvəlinə aid miniatür stildə hazırlanmış, zər ilə naxışlanmış, iki qulplu və lüləkli qabdır. Zərfayans qabın naxış kompozisiyasının əsasını suvarilər təşkil edir. Suvariləri bir-birindən rombvari formaya malik olan ağaclar ayırır.
Qeyd edək ki, sözügedən eksponat arxeoloji tədqiqat işləri nəticəsində Örənqala-Beyləqan abidəsində aşkar olunub.
