Bakı-Qroznı reysini yerinə yetirən “Embraer-190” tipli sərnişin təyyarəsinin qəzaya uğraması nəticəsində həlak olan stüardessa Hökümə Əliyeva II Fəxri xiyabanda dəfn edilib.

TNS xəbər verir ki, dəfn mərasimində dövlət və hökumət rəsmiləri, ictimaiyyət nümayəndələri iştirak ediblər.

13:55

Bakı-Qroznı reysini yerinə yetirən “Embraer-190” tipli sərnişin təyyarəsinin qəzaya uğraması nəticəsində həlak olan pilot Aleksandr Kalyaninov və kapitan pilot İqor Kşnyakin II Fəxri xiyabanda dəfn olunub.

TNS-in məlumatına görə, dəfn mərasimində dövlət və hökumət rəsmiləri, ictimaiyyət nümayəndələri iştirak ediblər.

13:32

Təyyarə qəzasında həlak olan üç ekipaj üzvü - gəmi kapitanı İqor Kşnyakin, pilot Aleksandr Kalyaninov və stüardessa Hökümə Əliyevanın nəşi torpağa tapşırılmaq üçün II Fəxri xiyabana gətirilib.

TNS xəbər verir ki, dəfn mərasimində onların ailə üzvləri, rəsmi şəxslərlə yanaşı ictimaiyyət nümayəndələri də iştirak edir.

İnsanlar sonuncu dəfə qəhrəman heyət üzvləri ilə vidalaşırlar.