Ekipaj üzvləri ilə vida mərasimi - FOTO/VİDEO
10:02 - 29 Dekabr 2024
AZAL-ın sərnişin təyyarəsinin Qazaxıstanda qəzaya uğraması nəticəsində həlak olmuş pilotlar İqor Kşnyakin, Aleksandr Kalyaninov və bələdçi Hökumə Əliyevanın cənazələri vida mərasimi keçirilməsi üçün Heydər Əliyev Hava Limanına gətirilib.
TNS-in məlumatına görə, hazırda hava limanında vida törəninə hazırlıq gedir. Vida mərasimindən sonra ekipaj üzvləri II Fəxri xiyabanda dəfn olunacaq.
Xatırladaq ki, dekabrın 25-də AZAL-ın Bakı-Qroznı reysini yerinə yetirən sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Təyyarədə 62 sərnişin, 5 ekipaj üzvü olub.
Qəza nəticəsində 38 nəfər həlak olub, 29 nəfər sağ qalıb.
