Məktəblərdə tətil günlərinin vaxtı açıqlandı
Yeni il tətilindən sonra məktəblərdə ilk dərs gününün nə vaxt olacağı açıqlanıb.
Məktəbəqədər və Ümumi Təhsil üzrə Dövlət Agentliyindən TNS-ə verilən məlumata görə, Nazirlər Kabinetinin “İş və istirahət günlərinin yerlərinin dəyişdirilməsi haqqında” Qərarına əsasən, 5 və 6 günlük iş həftəsi ilə işləyən ümumi təhsil müəssisələrində 28-29 dekabr 2024-cü il tarixində iş günüdür.
5 günlük iş həftəsi ilə işləyən ümumtəhsil müəssisələrində dekabrın 28-də həftənin bazar ertəsinin, 29-da cümə gününün, 6 günlük iş həftəsi ilə işləyən ümumi təhsil müəssisələrində isə dekabrın 29-da bazar ertəsinin dərsləri tədris olunacaq.
5 günlük iş həftəsi ilə işləyən ümumi təhsil müəssisələrində gələn il yanvarın 6-sı, 6 günlük iş həftəsi ilə işləyən ümumtəhsil müəssisələrində isə 4-ü ilk dərs günü olacaq.
