Bu il bayram yarmarkaları təşkil olunmayacaq- SƏBƏB
Bu il 31 Dekabr Dünya Azərbaycanlılarının Həmrəyliyi Günü və Yeni il bayramı ilə əlaqədar Bakı Şəhər İcra Hakimiyyəti tərəfindən paytaxtda bayram yarmarkalarının təşkili gözlənilmir.
Bu barədə TNS-ə Bakı Şəhər Ticarət və Xidmət Departamenti tərəfindən məlumat verilib.
Yarmarkaların hansı səbəbdən keçirilmədiyi açıqlanmayıb.
Ümumiyyətlə, yarmarkalara ehtiyac varmı, şəhər sakinləri üçün faydalı idimi?
Mövzu ilə bağlı TNS-ə danışan iqtisadçı Akif Nəsirli yarmarkaların sərfəli tərəflərini açıqlayıb: “Görünür, Bakı Şəhər İcra Hakimiyyəti son illər bu yarmarkalar üçün vəsait ayırmır. Ona görə yarmarkaların keçirilməsinə maraq yoxdur. Yeni il yarmarkalarında satılan məhsullar yalnız bir qədər əlçatanlıq baxımından sərfəli idi. İnsanlar metro çıxışında alacağını alır, daha uzaq məsafələrə getməyə ehtiyac qalmırdı”.
Aygün
