Qış fəsli başladı - YENİLƏNİB
14:20 - 21 Dekabr 2024
Bu gün saat 13:20:30-da Azərbaycana qış fəsli daxil olub.
TNS xəbər verir ki, qış fəslinin uzunluğu 88 gün 23 saat 40 dəqiqə 55 saniyə olacaq.
00:02
Bu gündən Azərbaycanda qış fəsli başlayır.
TNS Şamaxı Astrofizika Rəsədxanasına istinadən xəbər verir ki, qış fəsli dekabrın 21-i saat 13:20:30-da başlayacaq.
Qeyd olunan tarixdə Yerin fırlanma oxu Günəş istiqaməti ilə ən böyük bucaq əmələ gətirir və ya Günəş həmin gün günorta üfüqdən minimum hündürlükdə (26⁰.2) olur. Bu zaman Şimal yarımkürəsində qış, cənub yarımkürəsində isə yay fəsli başlayır. Həmin gün ən qısa gündüz (gündüzün uzunluğu 9 saat 17 dəq. 22 san) və ən uzun gecə (gecənin uzunluğu isə 14 saat 42 dəqiqə 38 saniyə) olur. Qış fəsli 88 gün 23 saat 40 dəqiqə 55 saniyə davam edəcək.
