Qiyabi təhsil alan tələbələr təhsil krediti ala biləcəkmi?
11:47 - 20 Dekabr 2024
“Qiyabi təhsil alan tələbələrə təhsil tələbə krediti verilib - verilməyəcəyi gələcəkdə alınacaq qərardan asılı olacaq”.
TNS xəbər verir ki, bunu Təhsil Tələbə Krediti Fondunun İdarə heyətinin sədri vəzifəsinin müvəqqəti icraçısı Bəhruz Əzimov deyib.
O, hazırda qiyabi təhsil alanların sayının azalması, ilboyu təhsil almamaları kimi reallıqların olduğunu, amma buna baxmayaraq, gələcəkdə mümkün ola biləcəyini deyib: "Hazırda təhsil tələbə kreditlərinin qiyabi təhsil alan tələbələrə də verilməsi ilə bağlı təkliflər qəbul olunur, müzakirə aparılır. Gələcəkdə müzakirələrin nəticəsinə uyğun olaraq, bu qəbildən olan tələbələr də təhsil krediti ala bilərlər".
Aygün
