Qış nə vaxt başlayır?
09:32 - 16 Noyabr 2024
Bu il qış fəsli (Qış günəş duruşu) Azərbaycanda dekabrın 21-i saat 13:20:30-da başlayacaq.
Şamaxı Astrofizika Rəsədxanasından TNS-ə verilən məlumata görə, bu tarixdə Yerin fırlanma oxu Günəş istiqaməti ilə ən böyük bucaq əmələ gətirir və ya Günəş həmin gün günorta üfüqdən minimum hündürlükdə (26⁰.2) olur.
Şimal yarımkürəsində qış, cənub yarımkürəsində isə yay fəsli başlayır. Həmin gün ən qısa gündüz (uzunluğu 9 saat 17 dəq. 22 san) və ən uzun gecə ( 14 saat 42 dəqiqə 38 saniyə) olur.
Qış fəsli 88 gün 23 saat 40 dəqiqə 55 saniyə davam edəcək.
