Vidadi Cəfərov: "Hakim korpusunun 615 nəfərdən ibarət olması dünya standartlarından 3 dəfə azdır"
13:12 - 09 İyun 2024
Prezident İlham Əliyevin "Məhkəmə-hüquq sistemində islahatların dərinləşməsi haqqında" Fərmanına uyğun olaraq hakimlərin ştatı 200-ə yaxın artırılıb. Hazırda hakim korpusu 615 nəfərdən ibarətdir. Bu nəticə dünya standartlarından 3 dəfə azdır.
TNS xəbər verir ki, bunu Hakimlərin Seçki Komitəsinin sədri Vidadi Cəfərov jurnalistlərə müsahibəsində deyib.
Həmin Fərmana əsasən, məhkəmələrdə iş yükünün azaldılması, məhkəmə işlərinin səmərəli, obyektiv olması və hakimlərin maddi-texniki bazasının yaxşılaşdırılması istiqamətində tədbirlərin keçirildiyini deyən V.Cəfərov bildirib ki, bu seçki prosesində 1800-ə yaxın namizəd öz gücünü yoxlayıb: "Onlardan 182 nəfəri bütün prosesi müvəffəqiyyətlə başa çatdırıb”.
