Şagirdlərin elektron yerdəyişməsinə başlanılır
10:59 - 19 Fevral 2024
20 fevral saat 11:00-dan etibarən 2023-2024-cü tədris ilinin II yarımili üzrə şagirdlərin yerdəyişməsi prosesi aktiv olacaq.
Bu barədə TNS-ə Elm və Təhsil Nazirliyindən məlumat verilib.
Qeyd olunub ki, 20 fevral 2024-cü il tarixindən XI siniflər üzrə şagirdlərin yerdəyişməsi aparılmayacaq.
Həmçinin ümumi orta təhsil səviyyəsi üzrə buraxılış imtahanlarına az müddət qaldığını nəzərə alaraq IX siniflər üzrə yerdəyişmə prosesi də 1 mart 2024-cü il tarixindən tədris ilinin sonunadək aktiv edilməyəcək.
Şagirdlərin yerdəyişməsi prosesi sy.edu.az portalı vasitəsilə elektron formada həyata keçirilir.
