Körpüdə təhlükəli vəziyyət: AAYDA-dan açıqlama - YENİLƏNİB
Bakının Babək prospektindəki körpüdə daşların qopub yerə tökülməsi haqda məlumatlıyıq.
TNS xəbər verir ki, bu sözləri Azərbaycan Avtomobil Yolları Dövlət Agentliyinin (AYDA) mətbuat xidmətinin rəhbəri Anar Nəcəfli Babək prospektindəki körpünün təhlükə yaratması ilə bağlı yayılan videonu şərh edərkən deyib.
“Babək prospektində yerləşən yol ötürücülərinin birində bəzək üçün vurulmuş üzlük daşların kiçik bir hissəsi qoparaq yol kənarına düşüb. Qısa zaman ərzində həmin daşlar yol kənarından təmizlənərək kənarlaşdırılıb.
Yol ötürücüsündə olan digər üzlük daşlar AYDA-nın mütəxəssiləri tərəfindən yoxlanılıb, qopma ehtimalı və hər hansı təhlükə yoxdur”, - o bildirib.
13:21
Bakıda Nizami rayonunda yerləşən Babək prospektindəki körpüdə təhlükəli vəziyyət yaranıb.
TNS Bakı.vs-ə istinadla xəbər verir ki, körpünün daşları qoparaq yola düşüb.
Bu vəziyyət həm sürücülər, həm də piyadalar üçün təhlükəli vəziyyət yaradıb.
