Müşfiqabad qəsəbəsinə su nə vaxt veriləcək?
12:47 - 10 Oktyabr 2024
Bakı şəhəri, Qaradağ rayonu, Müşfiqabad qəsəbəsinə üç gündür, suyun verilməsi dayandırılıb.
Bu barədə TNS-ə qəsəbə sakinləri məlumat verib.
Sakinlərin sözlərinə görə, suyun nə vaxt veriləcəyi barədə heç bir məlumat ala bilmirlər. Çünki aidiyyəti qurum telefonlara cavab vermir.
TNS-ə sakinlərin müraciəti ilə bağlı İri Şəhərlərin Birləşmiş Su Təchizatı Xidmətinə sorğu göndərib.
Xidmətin mətbuat katibi Ceyhun Musaoğlu bildirdib ki, sözügedən ərazidə axşam saatlarına qədər suyun verilməsi bərpa olunacaq: “Magistral içməli su xəttinin Siyəzənin Zarat qəsəbəsindən keçən hissəsində qəza baş verib. Orada aparılan təmir işləri başa çatıb.
Oktyabrın 10-u axşam saatlarından etibarən suyun ərazilərə əvvəlki rejimlə verilməsi bərpa olunacaq”.
Ayşən Azadova
