Ələt-Astara yolunda hərəkət məhdudlaşdırılır - XƏBƏRDARLIQ
Ələt-Astara-İran sərhəddi magistral avtomobil yolunda hərəkət məhdudlaşdırılacaq.
Bu barədə TNS-ə Daxili İşlər Nazirliyinin Baş Dpvlət Ol Polisi İdarəsindən məlumat verilib.
Məlumatda qeyd edilib ki, Azərbaycan Avtomobil Yolları Dövlət Agentliyinin məlumatına əsasən, Ələt-Astara-İranla dövlət sərhədi avtomobil yolunun 11,3-cü kilometrində elektron tərəzi sisteminin quraşdırılması ilə əlaqədar bu gündən başlayaraq təqribən 2 ay müddətində nəqliyyat vasitələrinin hərəkəti qismən məhdudlaşdırılacaq.
Baş Dövlət Yol Polisi İdarəsi hərəkətin təşkilində ediləcək dəyişiklikləri nəzərə alaraq, sürücülərdən yolun sözügedən hissəsində daha diqqətli olmağı, müvəqqəti yol nişanlarının tələblərinə qeyri-şərtsiz əməl etməyi, özlərinin, digər hərəkət iştirakçılarının və tikinti briqadalarında çalışanların həyat və sağlamlığı üçün təhlükə yaradan hərəkətlərdən çəkinməyi xahiş edir.
Əlaqəli xəbərlər
