Şəhərin bəzi hissələrində qazın verilişində fasilələr yaranacaq
![](/upload/files/up3/Xeberler/2024/07/26/5c1494a3-c11c-38bf-916c-cf4af5f5efb4_850_1.jpg)
Bu gün Xırdalan şəhərinin və Masazır qəsəbəsinin bəzi hissəsinin qaz təchizatında fasilə yaranacaq.
Bu barədə TNS-ə Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən məlumat verilib.
Bildirilib ki, “Qaz İxrac” İdarəsinə məxsus “Masazır yüksək təzyiqli” qazpaylayıcı stansiyasında (QPS) təmir işləri görüləcək. Bu səbəbdən iyulun 26-da saat 10:00-dan “Masazır” QPS-dən qidalanan "Masazır Qəsəbəsi(Masazır QPS)", "Duz Zavodu (Masazır QPS)" və “Azpetrol LTD” MMC-yə məxsus ölçü qovşaqlarından qaz təchizatının dayandırılması planlaşdırılır.
Təmir müddətində Abşeron rayonunun Masazır qəsəbəsi, yeni yaşayış massivi və Xırdalan şəhəri, "AAF Park" Yaşayış kompleksinin bir hissəsinin qaz təchizatında müvəqqəti fasilə yaranacaq.