Mərmərə və Egey dənizləri üçün fırtına xəbərdarlığı verildi
17:00 - 30 Noyabr 2024
Sabah Türkiyənin Mərmərə və Şimali Egeydə küləyin şimal istiqamətdən, Cənubi Egeydə isə cənub istiqamətdən fırtına şəklində əsəcəyi gözlənilir.
TNS bu barədə Türkiyə KİV-ə istinadən xəbər verir.
Proqnozlara görə, Şimali Egeyin şimalında külək sabahın erkən saatlarından etibarən şimal və şimal-şərqdən 6-8 bal gücündə (saatda 50-75 km sürətlə) fırtına şəklində əsəcək. Cənubi Egeynin şimalında isə küləyin cənub və cənub-şərqdən eyni gücdə əsəcəyi gözlənilir.
Qeyd edək ki, fırtınanın Mərmərə dənizində bazar ertəsi günü səhər saatlarında, Egeydə isə günorta saatlarında təsirini itirəcəyi proqnozlaşdırılır.
