"Yuventus" futbolçusu ilə müqavilə müddətini artırıb
21:00 - 26 Sentyabr 2024
İtaliyanın "Yuventus" kollektivi gənc futbolçusu Samuel Mbanqula ilə müqavilə müddətini artırıb.
TNS klubun mətbuat xidmətinə istinadən xəbər verir ki, "qoca sinyora" 20 yaşlı belçikalı cinah yarımmüdafiəçisi ilə 4 illik yeni sözləşmə imzalayıb.
S. Mbanqula 2023-cü ildən "Yuventus"un gənclərdən ibarət komandasına qoşulub. O, cari mövsüm əsas komanda ilə A Seriyasında debüt edib və 1 qola imza atıb.
