Heydər Əliyevin toyu oldu - Mehriban Əliyeva AÇIQLADI - FOTO
13:40 - 26 Noyabr 2022
Prezident İlham Əliyevin oğlu Heydər Əliyevin toy mərasimi keçirilib.
TNS xəbər verir ki, bu barədə Heydər Əliyevin anası, Azərbaycanın Birinci vitse-prezidenti Mehriban xanım Əliyeva öz "Instagram" səhifəsində görüntülər paylaşıb.
"Dünən ailə üzvləri və doğmalarımızla oğlumuz Heydərin toyunu qeyd etdik. Xoşbəxtəm ki, artıq bizim üç qızımız var! Bütün valideynlər kimi biz də oğlumuza ailə səadəti arzulayırıq! Uca Allah gənc ailəyə yar olsun, bir-birinə olan Sevgi və Hörməti bir ömür boyu qorumağa kömək etsin! Xoşbəxt olun!", - deyə Mehriban Əliyeva paylaşımında qeyd edib.
Qeyd edək ki, toy mərasimi dünən baş tutub.
