Gürcüstanda müxalifət aksiya keçirir
Gürcüstanda 26 oktyabr tarixli parlament seçkilərinin nəticələrinə etiraz edən müxalifət qüvvələri Tbilisi Dövlət Universitetinin birinci korpusu yaxınlığında toplaşıblar.
TNS Gürcüstan KİV-nə istinadən xəbər verir ki, aksiya iştirakçıları Qəhrəmanlar Memorialına doğru yürüş ediblər.
Müxalifət partiyasının liderlərinin sözlərinə görə, onlar saat 22:00-a qədər nəqliyyatın hərəkətini dayandıracaqlar.
Mitinq iştirakçıları saxta seçkilərə etiraz edir və həmçinin dördüncü gündür ki, gecələr universitet otaqlarından birində qalan tələbələrlə həmrəy olduqlarını bildirirlər. Onlar universitetin rektoru Jaba Samushiyanın istefasını tələb edirlər.
“Birlik – Milli Hərəkat”ın liderlərindən biri Giorgi Vaşadzenin dediyi kimi, onlar Qəhrəmanlar meydanında estakadanın altında iki yerdə çadırlar quracaqlar və saat 22:00-a qədər qalacaqlar.
