"Bu ölkələr Rusiya və Ukrayna arasında sülhün təmin olunmasında vasitəçi ola bilməzlər"
11:02 - 21 Mart 2023
“ABŞ, Böyük Britaniya, Fransa və Almaniya Rusiya və Ukrayna arasında sülhün təmin olunmasında vasitəçi ola bilməzlər”.
TNS “RİA Novosti”yə istinadən xəbər verir ki, bu barədə Rusiya Xarici İşlər Nazirliyi açıqlama yayıb.
“Bu ölkələr hazırda Ukraynada Rusiya ilə davam davam edən münaqişənin iştirakçılarıdırlar. Vaşinqton, London, Paris və Berlin böhranın nizamlanmasında maraqlı deyillər və qarşıdurmanı mümkün qədər uzatmaq üçün hər şeyi edirlər”, - açıqlamada bildirilib.
Qeyd edək ki, Münhen Təhlükəsizlik Konfransının keçmiş rəhbəri Volfqanq İşinger Ukrayna ilə bağlı sülh planı üzərində düşünməyə çağırıb. O, əsas olaraq Böyük Britaniya, Almaniya, ABŞ və Fransanın daxil olduğu vasitəçi qrup yaratmağı təklif edib.
