Peşə təhsili alanların sayı illər üzrə necə azalıb? - STATİSTİKA
Hazırda ölkədə olan peşə təhsili müəssisələrinin sayı 92-dir. Bu ilin əvvəlinə olan məlumata görə, həmin müəssisələrdə təhsil alanların sayı 29149 nəfərdir. Son illər peşə təhsili müəssisələrində təhsil alanların sayında artımlar baş versə də, rəqəmlər 1990-cı illərin göstəricilərindən xeyli geridə qalır.
TNS Dövlət Statistika Komitəsinə istinadla xəbər verir ki, 1991-ci ildə peşə təhsili verən müəssisələrin sayı 176, tələbələrin sayı isə 82 min 188 nəfər olub. Təhsil müəssisələrində çalışan müəllimlərin sayı isə 3465 nəfər olub.
Bu ilin əvvəlinə olan rəqəmlər isə onların sayının 1733 olduğunu göstərir.
Qeyd edək ki, bu il peşə təhsili müəssisələrini bitirən məzunların sayı 14 657 nəfər olub.
1991-ci ildə bu say 54681, 1996-cı ildə 25888 kimi qeydə alınıb. Sonrakı illərdə rəqəmlər azalmağa başlayıb. Məsələn, 10 il sonra 2006-cı ildə bu məktəbləri bitirənlərin sayı 11095-ə qədər azalıb.
Aygün
