Yol polisi sürücülərə müraciət edib
11:27 - 05 Mart 2023
Bakının mərkəzi prospektində asfalt örtüyü dəyişdirilir. Bununla əlaqədar yol polisi sürücülərə müraciət edib.
TNS xəbər verir ki, bu barədə Bakı Şəhər Dövlət Yol Polisi (DYP) İdarəsinin baş inspektoru, polis mayoru Araz Əsgərli bildirib.
"Paytaxtın Neftçilər prospekti boyunca Rəsul Rza küçəsi ilə kəsişmədən Bülbül küçəsi ilə kəsişməsinədək asfalt örtüyünün dəyişdirilməsi məqsədilə təmir bərpa işləri aparılır. Bunu nəzərə alaraq sürücülərdən həmin ərazilərdə şəxsi avtomobillərdən mümkün qədər az istifadə etməyi xahiş edirik", - Araz Əsgərli deyib.
