Şuşada işləmək üçün işçi axtarılır
Şuşa Şəhəri Dövlət Qoruğu İdarəsi informasiya texnologiyaları (İT) üzrə mütəxəssis axtarır.
TNS xəbər verir ki, müraciət üçün son tarix 16 maydır.
Vəzifəyə dair öhdəliklər:
- informasiya-kommunikasiya texnologiyalarının, o cümlədən daxili şəbəkənin işlək vəziyyətdə saxlanılması və səmərəli istifadə olunması;
- kompüterlərin, texniki avadanlıqların quraşdırılması, proqram təminatları ilə təmin edilməsi, sazlanması və texniki xidmət göstərilməsi;
- keyfiyyətli və fasiləsiz internet bağlantısının və elektron poçtların işinin təmin edilməsi;
- İKT sahəsində mal-materialların alınması, işlərin və xidmətlərin alınması üçün texniki tapşırıqları yazmaq;
- müşahidə kameraları, turniket kimi avadanlıqların quraşdırılması, onlara nəzarət edilməsi, texniki xidmət göstərilməsi, əldə edilən məlumatların oxunması;
- vəzifəsinin icrası ilə əlaqədar digər tapşırıqların yerinə yetirilməsi.
Vəzifəyə dair tələblər:
- ali təhsil (rabitə və informasiya texnologiyaları sahəsində);
- ünsiyyətcil olmaq;
- komandada işləmək bacarığı;
- məsuliyyətli və intizamlı olmaq;
- gərgin iş rejimində işləmək bacarığı.
Müraciət etmək istəyənlər CV-lərini cv@shusha.gov.az elektron ünvanına göndərə bilərlər.