Azərbaycan hərbçiləri Türkiyədə beynəlxalq təlimdə iştirak edir
17:26 - 27 Aprel 2024
Türkiyə Respublikasının İstanbul və İzmir şəhərlərində 49 ölkədən ümumilikdə 1 567 nəfərdən ibarət şəxsi heyətin iştirakı ilə “EFES - 2024” çoxmillətli təlim keçirilir.
Müdafiə Nazirliyinin mətbuat xidmətindən TNS-ə verilən məlumata görə, kompüter dəstəkli komanda-qərargah və döyüş atışlı mərhələdən ibarət olan təlimə Azərbaycan Ordusunun bir qrup hərbi qulluqçusu cəlb olunub.
“EFES - 2024” çoxmillətli beynəlxalq təlimi mayın 30-dək davam edəcək.
